ما يحدث في المركز الصحي بولاية ضنك بحاجة ألى أعادة النظر فية؟؟

[نمر بن عدوان]

هلا بأخي مخاوي شما. كل الكلام ألي قلتة عين الصواب.ولا أبي أسئل االشيوخ ولا غيرهم...ألي مافية خير حق هلة ما في خير حق الناس...وشيوخ ولاية ضنك حدث ولا حرج ,,,مع احترامي للجميع

[مخاوي شما]

ردا على المهلهل1 :
اخوي المهلهل تدرى بانه اهل ضنك اغلبيتهم يراجعو في مستشفى البريمي ومستشفيات عبري والمجمع الموجود في كاواس ياخي بامكانك تشوف الاحصائية من قسم الاحصاء فمديرية الصحة ولا تجيب رد الوزير هنا لانه ما يفيدنا بشي .اذن ليش ينقل بها مستشفى والحين بيكون فيها مركز صحي اجبني ليييييييييييييييييييييييييييييش ؟

[نمر بن عدوان]

ردا ع أخوي المهلهل1:دكتور الأسنان ألي معنا ف المركز الصحي بضنك مش دايم متواجد ف المركز يعني الثلاثا يروح المدارس والخميس والجمعة عطلة.يعني يداوم 4 أيام ف الأسبوع والمشكلة ما ف الدكتور ف الأجهزة والأدوات مرة يقولك ماف أدوات عشان تنظيف ومرة زحمة ومرة دكتور عندة محاضرة ف عبري ومرة الدكتور طالع أجازة يعني أهالي ضنك لمل يرحوا عبري مو يروحوا عشان يسوا زحمة حق أهالي عبري ..يروحوا من المعاناة والمذلة ألي قاعدين نشوفة ف هالمركز...وذا بسالفة ضنك ماتحتاج ألى مستشفي وهذا كلام الوزير...ضنك من أول الشيشة لحد أخرة بحاجة ألى أعاادة النظر فيها بأكملها ...صح مانحتاج حق مستشفي يعني عادي يحولك المركز ساعة 3ولا2 باليل عبري عادي ,,وعادي يكثرن الحوادث وغيره...يا أخوي مدام الوزير بيخسر كمين ألف حق بناء مستشفي أحسلة هذيلك الفلوس يسافربهن ف الخارج ف الصيف هوة والعائلة يتمشوا أحسن بدل ما يريحوا أهالي ضنك..الشكو لغير الله مذلة ...وألي أحنا مخلينا نسكت أن الدنيا فيها موت وحياة حساب وعقاب شي أسمة ((((القبر))))وكل شخص بيتحاسب عن رعيتة...والحمد لله الذي بنعمتة تتم الصالحات سبحانك رب العزة عمكا يصفون وسلام ع المرسلين والحمد لله رب العالمين..

[راعي الدار]

حياك اخوي المهلهل
بس حبيت اوضح نقطه انه الدكاتره الي في عبري مال الاستان يلفوا ع كل المراكز يعني مره في ضنك وشهر تحصلهم في وادي العين وثلاثه اشهر في ينقل يعني كل مره في مكان فليش يتصوروا المراجعين انه الي في المستشفى ولا في المجمع كاواس هم الافضل ؟ سألوهم الدكاتره هاذا الشي يصير من بينكم يعني يصير تنقلات بين الفتره والاخرا والله انه الي في المجمع كاواس كان في ضنك وصاره فتره ورد سألوه وبيجاوبكم . تحياتي لك

[المهلهل 1]

اخواني نمر بن عدوان ومخاوي شما
شكرا على التعقيب وانا متضامن عندكم في ضنك انه ينقصها الكثير ,,,,

والاطباء اللي في مجمع عبري نفسهم اللي يرسلوا للتغطية في المراكز الصحية لكن سعة المراكز هية السبب ...

واذا على رد الوزير تراه هو الامر الناهي في الوزارة وفي النهاية هو محاسب عن امانته امام رب العالمين ,,,

واذا على ينقل والمجمع الاجبني او الخاص هذا بجهود ذاتية بس ووين جهود هوامير ضنك في هذا المجال


راعي الدار شكرا على المرور والمعلومة صحيحة ,,,,

[نمر بن عدوان]

ردا على أخوي المهلهل...أذا تتكلم عن هوامير ضنك ...أنا بقولك مو عن هوامير ضنك هوامير عمان كلة لواحد من يضمن مستقبل عيالة وعيال عيالة لا يسأل عن الولاية ألي عايش فيها ولا عن شي ((((نفسي نفسي)))))وأعتقد ولاية ضنك أحدى ولايات السلطنة ومثل ما المشاريع الي تسويها الحكومة حق الولايات الثانية من المفروض أحنا بعد تسويلنا هذا المفروض واذا بنتكلم عن المفروض وايد مفروض.....أحنا ما عدنا استعداد ننتظر هوامير..... ضنك يسولنا مجمع ولوصار وستوا وع فكرة قبل سبوعين افتتح مجمع الجزيل الصحي بولاية ضنك بس ما صار شي جديد المجمع خاص يعني بفلوس يعني المشكلة ما نحلت ألي قادر بيروح مجمع خاص ألي ف ضنك وغير ضنك بس أحنا كلامنا يدور حول الناس ألي ما قادرة.....ترا محد حاس بالمشكلة ألى لي قاعد يعاني..وما مشكلة ترا تعودنا نصيح ونتكلم وننذل وبعد خمسين عام بيسولنا((أهالي ولاية ضنك جيل يحتضر وجيل ينتظر)))يعني المشاريع ألي نطالب فيهن الحين بتستوي وأنا متأكد أنها الحكومة بتنظر في أمرنا بس عاد أحنا بنكون ف القبر ما مشكلة حق عيالنا.....أخي المهلهل شاكر لك حسن تعاونك معي ومشاركاتك الطيبة وطالب منك السموحة[/b][/i][/i][/b]

[مخاوي شما]

واااااااااااااغمنا يعني حنا الجيل اللي يحتضر - ادعوا لاخوانكم بالمغفرة

[مخاوي ضنك]

خلوها ع الله

[المهلهل 1]

نمر بن عدوان مسموح دنيا واخرة ونتمنى الحكومة تخلي الظاهرة في الحسبان احنا ما نقول ماشي مشاريع لكن مشاريعنا ينقصها الكثير والكثير لما تتنفذ ....

[أشواق]

ربنا يعين..